«Ми солэсь адӟем кариськом». Антон Матвеевич Чернышовлэн историез

Личности

Мынам нимы Мария Муханова. Мон Глазкарысь 6 номеро гимназиысь тямысэтӥ классын дышетскисько. Котькудаз сямен семьяын вань адямиос, кинлэн улон сюресэз тунсыко но аспӧртэм. Сыӵе адями милям семьяямы но вань. Мынам Быдӟым Атыкай оже пыриськем пересь песятаелэн Антон Матвеевич Чернышовлэн улон сюресэз сярысь вераме потэ. Ожысь со старшой сержант луыса бертӥз.

Пичи Антошлэн пинал дырыз капчи ӧй вал. Эшшо сютэм улон, ёрмон но секыт уж. Куать аресысеныз пияшлы бусыын яке турнанын ужано луиз. Вал вылысь медаз усьы шуыса, со пыдъёссэ энер борды думылыса ветлӥз. Вамэнэс но чидась луэмез нырысетӥ ужъемышъёс сётӥз. 12 аресаз песятае колхозын нырысетӥ гырись луиз, нош берлогес – бригадир-полевод. Со вакытысь пиналъёс пичи дырынызы вазь люкиськылӥзы. 10 арессылы, оло, нош вазьгес но, синъёсысьтызы задор мылкыд ышылӥз, соос улонэз адӟем арлыдоос сямен учкизы ни.

19 аресаз Антон Матвеевичлы бускель гуртысь кышно вайизы, соослэн Анна нылзы вордскиз. Но семьяен шудо улонэз кема ӧй вал. Кӧня ке дыр ортчыса, ивор вуиз – егит картэз но атаез армие басьто. Соку нокин но ӧз тоды, Быдӟым Атыкай ож сэрен со отын сизьым ар служить кароз шуыса.

Мар со адӟиз со аръёсы? Мар кышкытэз чидано луиз? Мкем чигиз сюлэмыз кышнозэ но нылзэ сизьым ар ӵоже адӟыны быгатымтэысьтыз? Со сярысь ӵыжы-выжыосыз туж шер кылылӥзы. Нош мар вералляз, сое ми утьыны тыршиськом:

«Армие басьтӥзы, сюрслэсь трос адямиез люказы. Вагонъёсы пуктӥзы но Дальний Востоке нуизы. Хабаровскозь вуттӥзы. Ми нырмес но поттыны кышкаськом – кырын 30-40 градус котыр кезьыт. Собере Орлов пыр Ворошилове (али – Уссурийск) берытским, нош отын пӧсь. Вань улосчиос пӧлысь мон огнам 209-тӥ Краснознамённой стрелковой полке шеди. Собере сопкаосы Шкотово посёлоке нуизы. Ми отын кык арня пала вал, милесьтым часть кылдытӥзы но «Краковской» колбаса сиыны сётӥзы. Собере ваньместы теплушкаосы пыртӥзы но сюрес вылэ поттӥзы. Милемыз Краскино посёлоке вуттӥзы, Маньчжурия но Корея вискысь кунгож доры. 1939-тӥ арын отын японецъёслэн бадӟым вылазказы вал» - Чернышов А. М.

Паймымон адямилэн сыӵе ик паймыон историысьтыз мон тодӥ, макем кышкыт вал ӟырдам музъем вылын кӧня ке нунал сюкуасьмонэз чидам бере, юзмыт вулэсь нырысетӥ гучыксэ оскалтыны. Ӵапак со вакытысен песятаелэн юон вуэз, ошмес салкымез утён сямыз кылиз. Нош собере солдатъёслы кема дышоно луиз брезент но, ку улэ но кадь пырыны быгатӥсь кыйёс пӧлын тайгаын улонлы. Паймисько ӟуч адямиослэн номыр шоры учкытэк, данзэс ыштытэк, секытэз чиданзылы. 

Ож кутскмен, японецъёс пумен тросгес луизы, 1943-тӥ арлы командаен гинэ ветлыны луэ на вал. Сотэк - кулон. Японецъёслэн лексылэсь трос ӟучьёс быризы. Куке ӟуч Порт-Артур вылэ японцъёс ожалскизы, асьме солдатъёслы юрттэт ыстӥзы. Келям армиын Антон песятае но вал. Со вералляз, макем кышкыт вал кыр паласен тунгонам дотысь японецъёсты шедьтыны. Озьы смертникъёс гинэ каро вал, ӟучьёс матэктыку соос асьсэдыз пуштытъязы. Ожлэн кышкытэз, вир, сӧсырмемъёслэн кесяськемзы, лек тушмонъёс, чик кулэтэм кулонъёс но одӥг ужпум – вордскем шаердэ тушмонлэсь мозмытон. Кема чидам бере вуиз 1945-тӥ ар 9-тӥ май – Вормон. 

«Японецъёслэн 1,5 миллион адямилэсь армизы асьмелэн 250 сюрс кышкасьтэм ожгарчиосмы азьын капитулировать каризы. 700 ӟуч солдатъёсты пленэ басьтӥзы. Японецъёслэн ваньзэ басьтэмзы потэ вал. Уралозь ваньзэ. Но ми ӧм сётэ соослы малпанзэс быдэстыны» - Чернышов А. М.

Синъёс – пияла, ымдуръёс – шымыртэмын, киос – куалекъяло. Котькуд клеткае ӵыжы-выжыосмылэсь со вӧсьсэс, со куректонзэс шӧдэ кадь. Война ӧз ӵушиськы. Ветеранъёслэн йыразы со туж юн. Песятае дораз 1946-тӥ арын гинэ бертӥз, куке солэн Аннушка нылыз нырысетӥ классэ мынӥз. Со «Путь к Коммунизму» колхозлэн тӧроез луиз. Тросэз писательёс верало, ӟуч адямилэн секыт адӟонэз шуыса, солэн вань улонэз – эскерон. Но ӟуч адями нокыӵе секыт ныпъет улын уз куасалскы. Ӝоген солэн кышноез кулӥз, куать толэзьем Ванечка пизэ кельтӥз.

«Туж кема буйганы ӧй быгаты. Яратоно кышнотэк секыт йӧтӥз. Выльысь кышнояськи. Собере милям Дуся, Люба нылъёсмы но Николай пимы вордскизы на. Нош табере 12 внукъёсы, 15 правнукъёсы но одӥг правнучкае вань ни» - Чернышов А. М. 

Антон пересь песятае шудо адями шуыса малпасько. Со нылпиоссэ будэтӥз, калык радэ поттӥз. Милям семьямы понна солэн подвигез – калык понна сылонлэн примерез. Котькуд ӵукна мон аслым верасько, милям поколенимы милемлы осконэз быдэстыны кулэ шуыса.

Куддыр толалтэ Антон Матвеевич Чернышовлэн быдэсыз бадӟым семьяез лымы мамыкен шобыртэм Юкаменск черкогуртэ люкаськылэ. Яратоно пиналъёсыз но внукъёсыз пӧлын со валтӥсь адями, кудӥз та дыр понна ожмаськиз. Озьы ик ваньмыз понна, мар азьланяз луоз  

Котку сямен, песятае капчи мылкыдо. Нош синъёсаз, синучконын кадь, секыт аръёс адӟисько. Мар кыле йырамы – со пыраклы. Кылем арын солы 101 арес тырмиз – даурлэсь трос! Но песятаелэн мылкыдыз али но егит: правнукъёсыныз ватскемен шудэ, серекъя, етӥз эктэ но мӧзмонлы ноку уг сётскы. Ми солэсь адӟем кариськом.

Пересь песятаелэн ымныраз трос кисыриос. Соосты лыдъяны но уг луы. Озьы ик ож дыръя улонысь кошкем геройёслэн но лыдзы ӧвӧл  

Мон малпасько, Антон песятаелэн поколениез – аспӧртэм адямиос. Ожын улэп кылем сяна, соос адямилы туж кулэ сямъёсты но утьыны быгатӥзы: лякыт, адямилыко, сюлмо луон, калык понна сюлмаськон.

Ӟуч кылысь берыктэм.

Добавьте свою историю о событии или человеке!

Добавить свою историю